കൊട്ടാരക്കര : പിക് അപ്പ് വാനിന്റെ അടിയിൽപ്പെട്ട് സ്കൂട്ടർ യാത്രക്കാരൻ തൽക്ഷണം മരിച്ചു. പുത്തൂർ റോഡിൽ പത്തടി ജംക്ഷന് സമീപമാണ് അപകടം. വെണ്ടാർ പൊങ്ങൻപാറ മണിമംഗലത്ത് വീട്ടിൽ(ആഴാന്തകാല) രവീന്ദ്രൻപിള്ള(65)യാണ് മരിച്ചത്. കൊട്ടാരക്കരയിൽ നിന്നും സ്കൂട്ടറിൽ വീട്ടിലേക്ക് പോവുകയായിരുന്നു ദമ്പതികൾ. എതിരെ വന്ന പിക് അപ്പ് വാൻ നിയന്ത്രണം വിട്ട് വലതുഭാഗത്തേക്ക് കയറി സ്കൂട്ടറിലേക്ക് ഇടിച്ച് മറിയുകയായിരുന്നു. സ്കൂട്ടറുമായി രവീന്ദ്രൻപിള്ള വാനിന്റെ അടിയിൽപ്പെട്ട് തല്ക്ഷണം മരിച്ചു. ഒപ്പം ഉണ്ടായിരുന്ന ഭാര്യ ഷൈലജ(56)യെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. മക്കൾ: അരുൺരാജ്, രജിന. മരുമകൾ: സുധി.
