പത്തനംതിട്ട : പിണറായി സര്ക്കാര് കവര്ന്നെടുത്ത തദ്ദേശ സ്വയംഭരണ സ്ഥാപനങ്ങളുടെ തനത് ഫണ്ടും അധികാരങ്ങളും പുനസ്ഥാപിക്കുവാന് അടിയന്ത നടപടികള് വേണമെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. ഡി.സി.സി നേതൃത്വത്തില് പത്തനംതിട്ട രാജീവ് ഭവന് ഓഡിറ്റോറിയത്തില് സംഘടിപ്പിച്ച ജില്ലയിലെ കോണ്ഗ്രസ് ത്രിതല പഞ്ചായത്ത്, മുന്സിപ്പല് അദ്ധ്യക്ഷന്മാര്, പാര്ലമെന്ററി പാര്ട്ടി നേതാക്കന്മാര് എന്നിവരുടെ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
അധികാര വികേന്ദ്രീകരണം എന്ന പഞ്ചായത്ത് രാജ് നഗരപാലിക നിയമത്തിന്റെ അന്തഃസത്ത പാലിക്കാതെയാണ് സംസ്ഥാന സര്ക്കാര് പ്രവര്ത്തിച്ചുകൊണ്ടിരിക്കുന്നതെന്നും കാര്യമായ യാതൊരു സാമ്പത്തിക സഹായവും നല്കാതെ ഗ്രാമ, ബ്ലോക്ക്, ജില്ലാ പഞ്ചായത്തുകളേയും നഗരസഭകളേയും സര്ക്കാര് ഞെരിച്ചു കൊല്ലുകയാണെന്നും ഈ നടപടി അവസാനിപ്പിക്കണമെന്നും ഡി.സി.സി പ്രസിഡന്റ് ആവശ്യപ്പെട്ടു.
രാജീവ് ഗാന്ധി പഞ്ചായത്ത് രാജ് സംഘടന് ജില്ലാ പ്രസിഡന്റ് സജി കൊട്ടയ്ക്കാട് അദ്ധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് ദീനാമ്മ റോയി, വൈസ് പ്രസിഡന്റ് അനീഷ് വരിക്കണ്ണാമല, ഡി.സി.സി ഭാരവാഹികളായ എ. സുരേഷ് കുമാര്, റോബിന് പീറ്റര്, സംഘടനാകാര്യ ജനറല് സെക്രട്ടറി സാമുവല് കിഴക്കുപുറം, ജനറല് സെക്രട്ടറി സിന്ധു അനില്, കോണ്ഗ്രസ് റോജിപോള് ഡാനിയേല് എന്നിവര് പ്രസംഗിച്ചു.
