ഏഴംകുളം : ഇന്നലത്തെ ശക്തമായ മഴയിൽ തോട് കര കവിഞ്ഞ് വീട്ടുമുറ്റവും കൃഷിയിടവും വെള്ളത്തില്. പറക്കോട് ഐവർകാല റോഡരികിലൂടെ ഒഴുകുന്ന അറുകാലിക്കൽ തോടാണ് കര കവിഞ്ഞത്. ഇതിനെ തുടർന്ന് തോടിനു സമീപത്തെ തേവലപ്പുറത്ത് റോസമ്മയുടെ വീട് വെള്ളത്തിനു നടുവിലായി. സമീപത്തെ കൃഷിയിടങ്ങളും വെള്ളത്തിൽ മുങ്ങി. തോടിനിരുവശത്തെ കാടും മാലിന്യവും നീക്കം ചെയ്യാത്ത കാരണമാണ് ശക്തമായ മഴയിൽ തോട് കര കവിയുന്നത്. തോടിന്റെ സംരക്ഷണ ഭിത്തി ഉയർത്തി ബലപ്പെടുത്തുന്നതിനും ഇതുവരെ നടപടിയായിട്ടില്ല.
