ചെങ്ങന്നൂർ : പ്രാവിൻ കൂട് ഇരമല്ലിക്കര റോഡിൽ തിരുവൻവണ്ടൂർ മoത്തിലേത്ത് പടിക്കു സമീപം ട്രാവലർ നിയന്ത്രണം വിട്ട് കുഴിയിലേക്ക് ഇറങ്ങി. ഇന്നലെ വൈകിട്ട് 3.30 ഓടെയാണ് സംഭവം. പ്രാവിൻ കൂട്ടിൽ നിന്നും ഇരമല്ലിക്കരയിലേക്ക് പോവുകയായിരുന്നു ട്രാവലർ. നിയന്ത്രണം തെറ്റിയ ട്രാവലർ റോഡിൻ്റെ പാർശ്വഭാഗത്തു നിന്നും തെന്നിമാറി കുഴിയിലേക്കിറങ്ങുകയായിരുന്നു. വണ്ടിയുടെ അടിഭാഗംതിട്ടയിൽ ഇടിച്ചു നിന്നതു കാരണം കാൽ ഭാഗം മാത്രമാണ് കുഴിയിലേക്ക് ഇറങ്ങിയത്. ഇത് അപകടം ഒഴിവാക്കി.
ഇതിൽ 14 ഓളം കുട്ടികളായ യാത്രക്കാരും ഉണ്ടായിരുന്നതായും പ്രായപൂർത്തിയാകാത്ത ആളായിരുന്നു വണ്ടി ഓടിച്ചതെന്നും നാട്ടുകാർ പറഞ്ഞു. യാത്രക്കാർക്ക് ആർക്കും പരിക്കില്ല. നാട്ടുകാരുടെ സഹായത്തോടെ കുട്ടികളെസുരക്ഷിതമായി രക്ഷപെടുത്തി.
