കൊച്ചി : രൂപമാറ്റം വരുത്തിയ ബൈക്കില് നിയമങ്ങള് കാറ്റില് പറത്തി യുവാവിന്റെ സഞ്ചാരം. ഹെല്മറ്റും, മാസ്കും, ഉടുപ്പും, ലൈസന്സും ഇല്ലാതെ ആയിരുന്നു യുവാവിന്റെ യാത്ര. വീഡിയോ സോഷ്യല് മീഡിയയില് വൈറല് ആയതോടെ യുവാവ് ഒടുവില് പോലീസ് കസ്റ്റഡിയില് ആയി. ഇയാളുടെ സുഹൃത്തുക്കള് മറ്റൊരു ബൈക്കില് യാത്ര ചെയ്ത് ദൃശ്യങ്ങള് പകര്ത്തുകയായിരുന്നു. സമൂഹ മാധ്യമങ്ങളില് വൈറലാകാന് വേണ്ടിയാണ് ഉടുപ്പില്ലാതെ ബൈക്കില് കറങ്ങിയതെന്ന് യുവാവ് പോലീസിനോട് സമ്മതിച്ചിട്ടുണ്ട്.
വിഡിയോ പരിശോധിച്ച സൈബര് പോലീസ് എറണാകുളം മുനമ്പത്ത് നിന്നുള്ളതാണ് വീഡിയോ എന്നു കണ്ടെത്തി. തുടര്ന്നു നടത്തിയ അന്വേഷണത്തിലാണു ചെറായി സ്വദേശി റിച്ചല് സെബാസ്റ്റ്യന് പോലീസ് പിടിയിലായത്. മോട്ടോര് വാഹന വകുപ്പ് നിയമം, കോവിഡ് പ്രോട്ടോക്കോള് ലംഘനം എന്നിവയുള്പ്പെടെ ആറ് വകുപ്പുകളാണ് ഇയാള്ക്കെതിരെ ചുമത്തിയിരിക്കുന്നത്.
