പാലക്കാട് : പൊതുമേഖലാ ബാങ്ക് മാനേജര് വിവാഹത്തട്ടിപ്പ് നടത്തിയെന്ന ആരോപണമായി യുവതികള്. പാലക്കാട് ജോലി ചെയ്യുന്ന ആലപ്പുഴ സ്വദേശിയായ സി.എച്ച്.സലീമിനെതിരെയാണ് കോഴിക്കോട്, പാലക്കാട് സ്വദേശിനികള് പാലക്കാട് ജില്ലാ പോലീസ് മേധാവിക്ക് പരാതി നല്കിയത്. വിവാഹബന്ധം വേര്പെടുത്തിയ സ്ത്രീകളെ ലക്ഷ്യമിട്ട് പുനര്വിവാഹം നടത്തി പീഡിപ്പിക്കുകയായിരുന്നുവെന്നാണ് പരാതി.
കേരളത്തിലും തമിഴ്നാട്ടിലുമായി ഇയാള് അഞ്ചിലധികം വിവാഹം കഴിച്ചിട്ടുണ്ടെന്നും ചോദ്യം ചെയ്താല് കുടുംബാംഗങ്ങളെ ഉള്പ്പെടെ വകവരുത്തുമെന്നാണ് സലീമിന്റെ ഭീഷണിയെന്നും പരാതിയില് പറയുന്നു. പരസ്ത്രീ ബന്ധത്തെ തുടർന്നാണ് ഇയാളുമായി വേർപിരിഞ്ഞത്. അശ്ലീലച്ചിത്രങ്ങളോടു അമിതമായ ആസക്തിയാണ് ഇയാൾക്കെന്നും കോഴിക്കോട് സ്വദേശിനി പറയുന്നു.
