തൃശ്ശൂര് : മദ്യം ലഭിക്കാത്തതിനെ തുടര്ന്ന് തൃശ്ശൂരില് യുവാവ് ആത്മഹത്യ ചെയ്തു. നിര്മാണ തൊഴിലാളിയായ യുവാവാണ് ആത്മഹത്യ ചെയ്തത്. തൃശ്ശൂര് വെങ്ങിണിശേരി സ്വദേശി ഷൈബു(47) ആണ് മരിച്ചത്. ആറാട്ടുകടവ് ബണ്ട് ചാലില് ഇദ്ദേഹത്തെ മുങ്ങി മരിച്ച നിലയില് കണ്ടെത്തുകയായിരുന്നു. മദ്യാസക്തി മൂലം തൃശ്ശൂരില് റിപ്പോര്ട്ട് ചെയ്യുന്ന മൂന്നാമത്തെ ആത്മഹത്യയാണിത്.
ലോക്ക് ഡൗണ് പ്രഖ്യാപിച്ചതോടെ മദ്യം കിട്ടാതിരുന്ന ഷൈബു രണ്ടു ദിവസമായി മാനസിക സമ്മര്ദം പ്രകടിപ്പിച്ചിരുന്നതായി ബന്ധുക്കള് പറയുന്നു. ഞായറാഴ്ച രാവിലെ വീട്ടില് നിന്ന് പോയ ഷൈബു പിന്നീട് വീട്ടില് തിരിച്ചെത്തിയിരുന്നില്ല.
ഇതേ തുടര്ന്ന് ബന്ധുക്കള് പോലീസില് പരാതി നല്കിയിരുന്നു. പോലീസ് നടത്തിയ അന്വേഷണത്തിന് ഒടുവിലാണ് ഷൈബുവിനെ മരിച്ച നിലയില് കണ്ടെത്തിയത്.
