കോഴിക്കോട് : വടകരയിൽ വിവാഹത്തിരക്കിനിടെ വരന്റെ മൂന്ന് പവൻ സ്വർണ്ണമാല മോഷണം പോയി. വടകര പുത്തൂർ പടിക്കൽ താഴെ കുനി പ്രകാശന്റെ വീട്ടിലാണ് കവർച്ച നടന്നത്. ഇന്നലെയായിരുന്നു വീട്ടിൽ വിവാഹ ചടങ്ങുകൾ നടന്നത്. വിവാഹത്തോടനുബന്ധിച്ചുള്ള ഡിജെ പാർട്ടിയുടെ തയ്യാറെടുപ്പുകൾ നടക്കുന്നതിനിടെയാണ് മോഷണം പോയതെന്നാണ് നിഗമനം . വീടിനുള്ളിലെ അലമാരയുടെ പൂട്ട് പൊളിച്ച നിലയിലായിരുന്നു. അലമാരയിൽ മാലയ്ക്ക് പുറമെ മറ്റ് സ്വർണ്ണാഭരണങ്ങളും ഉണ്ടായിരുന്നുവെങ്കിലും അവയൊന്നും നഷ്ടപ്പെട്ടിട്ടില്ല എന്ന് വീട്ടുകാർ പറഞ്ഞു. സംഭവത്തെക്കുറിച്ച് പരാതി ലഭിച്ചതിനെ തുടർന്ന് വടകര പോലീസ് കേസെടുത്ത് അന്വേഷണം ആരംഭിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
