തൃശൂര്: വടക്കഞ്ചേരി പന്നിയങ്കര ചുവട്ട്പാടത്ത് ദമ്പതികളെ കെട്ടിയിട്ട് സ്വര്ണ്ണവും പണവും കവര്ന്ന സംഭവത്തില് തമിഴ്നാട് സ്വദേശികളായ ആറ് പേര് പിടിയില്. സേലം സ്വദേശികളായ മൂന്ന് പേരും നാമക്കല് സ്വദേശികളായ മൂന്നു പേരുമാണ് അറസ്റ്റിലായിരിക്കുന്നത്. സേലം ചിന്ന ശ്രീരാംപെട്ടി കടത്തൂര് അഗ്രഹാരം കേശവന് (40), സിംഗഗിരി പനങ്ങാട് പെരിയാണ്ടിപ്പട്ടി പ്രഭു (34), അസ്താംപട്ടി മണക്കാട് അന്പ്നഗര് മുഹമ്മദ് അബ്ദുള്ള (24), നാമക്കല് സെന്തമംഗലം കൈകാട്ടി എരുമപ്പെട്ടി തമിഴ്ശെല്വന് (21) ത്രിച്ചന്കാട് സൂരന്പാളയം യമുന റാണി (27), സൂരന് പാളയം യുവറാണി (40) എന്നിവരാണ് വടക്കഞ്ചേരി പോലീസിന്റെ കസ്റ്റഡിയിലുള്ളത്.
അന്തര്സംസ്ഥാന മോഷ്ടാക്കളാണ് പിടിയിലായിരിക്കുന്നത്. ഇവരുടെ പിന്നില് വന് റാക്കറ്റ് ഉണ്ടെന്നാണ് സംശയിക്കുന്നത്. പന്നിയങ്കരയിലെ കവര്ച്ചയ്ക്ക് ശേഷം സേലത്തേക്ക് കടന്ന ഇവരെ പോലീസ് പിന്തുടര്ന്നിരുന്നു. സേലത്ത് മറ്റൊരു കേസില് അറസ്റ്റ് ചെയ്ത് മധുര ജയിലില് റിമാന്റിലായിരുന്ന ഇവരെ വടക്കഞ്ചേരി പോലീസ് കസ്റ്റഡിയില് വാങ്ങുകയായിരുന്നു.