ആലുവ : ആശുപത്രിയില്‍ മോഷണം നടത്തിയ സെക്യൂരിറ്റി ജീവനക്കാരന്‍ അറസ്റ്റില്‍. തിരുവനന്തപുരം പാങ്ങോട് മരുതമണ്‍ കുളമാന്‍കുഴി വീട്ടില്‍ ജയചന്ദ്രന്‍ നായരെയാണ് (62) പോലീസ് പിടികൂടിയത്. ആലുവ പോലീസ് ആണ് അറസ്റ്റ് ചെയ്തത്. കഴിഞ്ഞ രണ്ടിന് ആലുവ കാര്‍മല്‍ ആശുപത്രിയിലാണ് കേസിനാസ്പദമായ സംഭവം. കാഷ്വല്‍റ്റിയുടെ മുന്‍വശം കസേരയില്‍ വെച്ചിരുന്ന രണ്ടര പവന്‍ ആഭരണവും 14,500 രൂപയും അടങ്ങിയ കവര്‍ ഇയാള്‍ മോഷ്ടിക്കുകയായിരുന്നു. അറസ്റ്റ് ചെയ്ത പ്രതിയെ കോടതിയില്‍ ഹാജരാക്കി.
