ഹരിപ്പാട് : ചിക്കന് ഫ്രൈഡ് റൈസില് ചിക്കനില്ലെന്ന് പറഞ്ഞ് ഹോട്ടല് ജീവനക്കാരിയെ യുവാവ് മര്ദ്ദിച്ചു. ഹരിപ്പാട് പ്രവര്ത്തിക്കുന്ന ചിക്കന് ചിക്കാഗോ ഹോട്ടലിലാണ് സംഭവം. ഇത് സംബന്ധിച്ച് ഹോട്ടലുടമ സുധീര് പോലീസില് പരാതി നല്കി. കൂടുതല് ചിക്കന് നല്കാമെന്ന് പറഞ്ഞിട്ടും യുവാവ് ഹോട്ടല് ജീവനക്കാരനെ അസഭ്യം പറയുകയും അധിക്ഷേപിക്കുകയും ചെയ്തതായി ഹോട്ടലുടമ നല്കിയ പരാതിയില് പറയുന്നു. ഇത് കൂടുതല് വിഷമമുണ്ടാക്കിയാതായും ഉടമ പറയുന്നു. കഴിച്ചുകൊണ്ടിരുന്ന ഫ്രൈഡ് റൈസും പാത്രവും യുവാവ് തട്ടി എറിയുകയും ചെയ്തു.
തുടര്ന്നാണ് ക്യാഷ് കൗണ്ടറിലുണ്ടായിരുന്ന കമ്പ്യൂട്ടര് ജീവനക്കാരിയുടെ ദേഹത്തേക്ക് വലിച്ചെറിയുകയും ചെയ്തത്. സ്ഥാപനത്തിന് മുപ്പത്തയ്യായിരം രൂപയോളം നഷ്ടമുണ്ടായതായും ഉടമ പരാതിയില് പറയുന്നു. എന്നാല് പ്രതിയെ ഇതുവരെ തിരിച്ചറിഞ്ഞിട്ടില്ല. ഹരിപ്പാട് പോലീസ് പ്രതിക്കായി അന്വേഷണം ഊര്ജിതമാക്കി.
