ന്യൂഡല്ഹി : കൊവിഡ് രണ്ടാം വ്യാപനത്തെ തുടര്ന്ന് ഇക്കഴിഞ്ഞ ഏപ്രില് മാസത്തില് ടെലികോം സബ്സ്ക്രൈബര്മാരുടെ എണ്ണത്തില് രേഖപ്പെടുത്തിയത് വളരെ കുറച്ച് വര്ധനമാത്രം. 22 ലക്ഷമാണ് ആകെ വര്ധന. 2020 – 21 സാമ്പത്തിക വര്ഷത്തിന്റെ അവസാനം 2.72 കോടി സബ്സ്ക്രൈബര്മാരുടെ വര്ധന രേഖപ്പെടുത്തിയ ശേഷമാണ് ഏപ്രില് മാസത്തിലെ ഇടിവ്. ടെലികോം റെഗുലേറ്ററി അതോറിറ്റിയാണ് കണക്ക് പുറത്ത് വിട്ടിരിക്കുന്നത്.
ഇത് പ്രകാരം എയര്ടെലിന്റെ ഉപഭോക്താക്കളുടെ എണ്ണത്തില് അഞ്ച് ലക്ഷം പേരുടെ വര്ധനയാണ് ഉണ്ടായത്. റിലയന്സ് ജിയോയുടെ എണ്ണത്തിലുണ്ടായത് 48 ലക്ഷം വര്ധനവാണ്. വൊഡഫോണ് ഐഡിയയുടെ സബ്സ്ക്രൈബര്മാരുടെ എണ്ണം 18 ലക്ഷം ഇടിഞ്ഞു. ജിയോ ഫോണ് ഓഫറാണ് ജിയോയുടെ ഉപഭോക്താക്കളുടെ എണ്ണത്തില് വര്ധന രേഖപ്പെടുത്താനുള്ള കാരണം എന്നാണ് വിപണിയിലെ സംസാരം. നഗര – ഗ്രാമ മേഖലകളിലും മെട്രോകളിലും എ, ബി, സി സര്ക്കിളുകളിലും ജിയോ ഉപഭോക്താക്കളുടെ എണ്ണത്തിലല് വര്ധനവുണ്ടായി.
