പത്തനംതിട്ട : മൂന്നാം ലോക കേരള സഭയുടെ സംഘാടത്തിനായി ഒന്നരക്കോടി രൂപ ചെലവഴിച്ച് ധൂര്ത്ത് നടത്തുവാനുള്ള സംസ്ഥാന സര്ക്കാരിന്റെ തീരുമാനം പിന്വലിക്കണമെന്ന് കേരളാ പ്രദേശ് പ്രവാസി കോണ്ഗ്രസ് സംസ്ഥാന ജനറല് സെക്രട്ടറി സാമുവല് കിഴക്കുപുറം ആവശ്യപ്പെട്ടു.
കോവിഡ് സാഹചര്യം മൂലം തൊഴിലും വരുമാനവും നഷ്ടപ്പെട്ട് ആയിരക്കണക്കിന് പ്രവാസികള് നാട്ടില് മടങ്ങിയെത്തിട്ടും അവര്ക്ക് സഹായം നല്കുന്നതിനോ പുന:രധിവാസ പദ്ധതികള് നടപ്പിലാക്കുന്നതിനോ തയ്യാറാകാതെ കോടികള് ചെലവഴിച്ച് പ്രവാസികളുടെ പേരില് വീണ്ടും ലോക കേരളാ സഭ നടത്തുന്നത് വിരോധാഭാസവും കടുത്ത അനീതിയുമാണെന്ന് സാമുവല് കിഴക്കുപുറം പ്രസ്താവനയില് പറഞ്ഞു.
ഒന്നും രണ്ടും ലോക കേരള സഭകളള് മൂലം പ്രവാസികള്ക്ക് കാര്യമായ യാതൊരു നേട്ടവും ഉണ്ടാകാത്ത സാഹചര്യത്തില് മൂന്നാം ലോക കേരള സഭക്കായ് നീക്കിവെച്ചിരിക്കുന്ന വന് തുക വിദേശ രാജ്യങ്ങളില് ഉള്പ്പെടെ കോവിഡ് ബാധിച്ച് മരിച്ചവരുടെ അനാഥരായ കുടുംബങ്ങളേയും മടങ്ങിവന്ന് പട്ടിണിയിലായ പ്രവാസികളേയും സഹായിക്കുന്നതിന് ഉപയോഗിക്കണമെന്ന് പ്രവാസി കോണ്ഗ്രസ് സര്ക്കാരിനോട് ആവശ്യപ്പെട്ടു.
കോവിഡ് വാക്സിനേഷനിലെ പ്രതിസന്ധി, വിമാന യാത്രാ വിലക്ക്, വിസ്സാ കാലാവധി അവസാനിക്കുന്നതു കൊണ്ടുള്ള പ്രശ്നങ്ങള് എന്നിവ മൂലം വിദേശ രാജ്യങ്ങളില് തിരികെ എത്തി ജോലിയില് പ്രവേശിക്കുന്നതിന് പ്രവാസികള് വലിയ കഷ്ടത അനുഭവിക്കുകയാണ്. കേന്ദ്ര സംസ്ഥാന സര്ക്കാരുകള് അടിയന്തിരമായി ഇക്കാര്യത്തില് ഇടപെട്ട് നടപടികള് സ്വീകരിക്കണമെന്നും സാമുവല് കിഴക്കുപുറം ആവശ്യപ്പെട്ടു.
