തിരുവല്ല : പുളിക്കീഴ് പോലീസ് സ്റ്റേഷനിൽ എസ് ഐ ഉൾപ്പടെ നാല് പോലീസുകാർക്ക് കോവിഡ് സ്ഥിരീകരിച്ചു. കഴിഞ്ഞ മൂന്ന് ദിവസങ്ങളിലായി നടത്തിയ കോവിഡ് പരിശോധനയിലാണ് ഇവർക്ക് രോഗം സ്ഥിരീകരിച്ചത്.
രോഗം സ്ഥിരീകരിച്ചവരുടെ പ്രാഥമിക സമ്പർക്കപ്പട്ടികയിൽ ഉൾപ്പെട്ട നാല് പോലീസ് ഉദ്യോഗസ്ഥരോട് നിരീക്ഷണത്തിൽ പ്രവേശിക്കാൻ നിർദേശം നൽകിയതായി ഡി വൈ എസ് പി ടി രാജപ്പൻ പറഞ്ഞു. സി ഐ ഉൾപ്പടെ 32 പോലീസുകാരാണ് സ്റ്റേഷനിൽ ഉള്ളത്. സ്റ്റേഷനിലെ മുഴുവൻ പോലീസുകാരെയും കോവിഡ് പരിശോധനയ്ക്ക് വിധേയരാക്കി വരികയാണെന്ന് ആരോഗ്യ വിഭാഗം അറിയിച്ചു. എ എസ് ഐ ക്ക് കോവിഡ് സ്ഥിരീകരിച്ചതിനെ തുടർന്ന് ഒരു മാസം മുമ്പ് സ്റ്റേഷനിലെ മുഴവൻ പേലീസുകാരും നിരീക്ഷണത്തിലായിരുന്നു.
