തിരുവനന്തപുരം : ചരിത്രത്തില് ആദ്യമായി ഓണം ബമ്പര് 25 കോടി രൂപയാണ് ലോട്ടറി വകുപ്പ് നല്കാന് ഒരുങ്ങുന്നത്. ലോട്ടറി ഡയറക്ടറേറ്റിന്റെ ശുപാര്ശ സംസ്ഥാന സര്ക്കാര് അംഗീകരിച്ച് വിജ്ഞാപനമിറക്കി. 500 രൂപയാണ് ടിക്കറ്റ് നിരക്ക്. 25, 28, 50 കോടി രൂപയുടെ സമ്മാനത്തുകകളുള്ള ടിക്കറ്റുകളാണ് ലോട്ടറി വകുപ്പ് ധനവകുപ്പിനോട് ശുപാര്ശ ചെയ്തത്. ഇതില് 25 കോടി രൂപയുടെ ടിക്കറ്റാണ് സര്ക്കാര് അംഗീകരിച്ചത്.
രണ്ടാം സമ്മാനം അഞ്ച് കോടി രൂപയാണ്. മൂന്നാം സമ്മാനം ഒരു കോടി രൂപ വീതം 10 പേര്ക്ക് നല്കും. തിങ്കളാഴ്ച മുതല് വില്പന ആരംഭിക്കും. 90 ലക്ഷം വരെ ടിക്കറ്റ് അച്ചടിക്കാനുള്ള സംവിധാനമുണ്ട്. 10 ശതമാനെ ഏജന്സി കമ്മിഷനും 30 ശതമാനം നികുതിയും കഴിഞ്ഞ് 15.75 കോടി രൂപ ലോട്ടറി അടിക്കുന്നയാള്ക്ക് ലഭിക്കും. കഴിഞ്ഞ വര്ഷം വരെ 12 കോടി രൂപ ഓണം ബംപര് സമ്മാനത്തുകയും ടിക്കറ്റ് വില 300 രൂപയും ആയിരുന്നു. കഴിഞ്ഞ തവണ ഓണം ബംപറിന്റെ 54 ലക്ഷം ടിക്കറ്റുകളാണ് വിറ്റത്. സമ്മാനത്തുക വര്ധിപ്പിക്കുന്നത് കൂടുതല് വരുമാനം ഉണ്ടാക്കുമെന്നാണ് ലോട്ടറി വകുപ്പിന്റെപ്രതീക്ഷ. അതേസമയം, വില വര്ധിപ്പിക്കുന്നത് വില്പനയെ ബാധിക്കുമോ എന്ന ആശങ്കയും ഉയരുന്നുണ്ട്.
