പത്തനംതിട്ട: അഭിരാമിയുടെ മരണത്തില് ആരോപണം നേരിടുന്ന ആശുപത്രി ഭരണസംവിധാനങ്ങളെ സമൂഹമാധ്യമത്തില് പരോക്ഷമായി വിമര്ശിച്ച് മുന് മന്ത്രിയും സി.പി.എം കേന്ദ്ര കമ്മിറ്റി അംഗവുമായ ഡോ. ടി.എം. തോമസ് ഐസക്. ആരോഗ്യമന്ത്രി വീണ ജോര്ജിന്റെ ജില്ലയില് നടന്ന സംഭവത്തില് സര്ക്കാറും പാര്ട്ടിയും മറുപടി പറയാന് വിഷമിക്കവെയാണ് ഉന്നത നേതൃത്വത്തില്നിന്ന് വിമര്ശം ഉയര്ന്നിരിക്കുന്നത്. മന്ത്രിയുടെ മണ്ഡലത്തിലുള്പ്പെടുന്ന ജില്ല ആസ്ഥാനത്തെ ജനറല് ആശുപത്രിക്കെതിരെ ഉയര്ന്ന ഗുരുതര ആരോപണം പാര്ട്ടി നേതൃത്വം ചര്ച്ചചെയ്യുന്നുണ്ട്.
