തിരുവനന്തപുരം : സാലറി ചലഞ്ചില് വിമര്ശനം നടത്തുന്ന പ്രതിപക്ഷ നേതാവ് രമേശ് ചെന്നിത്തലയ്ക്ക് ഒരു ചുക്കും അറിയില്ലെന്ന് ധനമന്ത്രി തോമസ് ഐസക്ക്. സാലറി ചലഞ്ചിനെക്കുറിച്ച് ഒന്നും മനസിലാക്കാതെയാണ് പ്രതിപക്ഷ നേതാവ് പ്രസ്താവനകള് നടത്തുന്നതെന്ന് അദ്ദേഹം പറഞ്ഞു. അതേസമയം സാലറി കട്ട് കോടതി സ്റ്റേ ചെയ്തതോടെ അതിനെ മറകിടക്കാനുള്ള ഓര്ഡിനന്സിന് സംസ്ഥാന മന്ത്രിസഭ അംഗീകാരം നല്കി. ദുരന്തനിവാരണ നിയമ പ്രകാരമാണ് ഓര്ഡിനന്സ് പാസാക്കിയത്.
ദുരന്തമുണ്ടെന്ന് പ്രഖ്യാപിച്ചാല് 25 ശതമാനം വരെ ശമ്പളം മാറ്റാന് സര്ക്കാരിന് അധികാരമുണ്ട്. നിലവിലെ സര്ക്കാര് നടപടി നിയമപരമാക്കാനാണ് ഓര്ഡിനന്സ് പുറപ്പെടുവിച്ചതെന്ന് ധനമന്ത്രി തോമസ് ഐസക്ക് അറിയിച്ചു. ഹൈക്കോടതി ചൂണ്ടിക്കാട്ടിയതുപോലെ നിയമപരമായ നടപടിയാണ് സംസ്ഥാന സര്ക്കാര് സ്വീകരിച്ചിരിക്കുന്നത്. ശമ്പളം തിരിച്ചു നല്കുന്നത് ആറു മാസത്തിനകം തീരുമാനിച്ചാല് മതി. ജീവനക്കാര്ക്ക് ഈ മാസത്തെ ശമ്പളം വൈകുമെന്നും മന്ത്രി പറഞ്ഞു. സര്ക്കാരില് നിന്ന് ഗ്രാന്റ് ലഭിക്കുന്ന സ്ഥാപനങ്ങള്ക്കും അര്ധ സര്ക്കാര് സ്ഥാപനങ്ങള്ക്കും ഓര്ഡിനന്സ് ബാധകമാണ്. സാലറി കട്ടിനെ എതിര്ക്കുന്നവര്ക്ക് കാര്യങ്ങള് മനസിലായിട്ടില്ല. 1000 കോടിയെങ്കിലും കടമെടുത്താലെ ശമ്പളം നല്കാനാകുവെന്നും ധനമന്ത്രി വ്യക്തമാക്കി.
The post സാലറി കട്ട് ; ദുരന്തനിവാരണ നിയമ പ്രകാരം മന്ത്രിസഭ ഓര്ഡിനന്സ് പാസാക്കി appeared first on Pathanamthitta Media.
