തിരുവനന്തപുരം : ഇന്റര്നാഷണല് ഫിനാന്സ് കോര്പ്പറേഷനില് നിന്നും വായ്പ്പയെടുക്കാന് കിഫ്ബി തീരുമാനിച്ചുവെന്ന് ധനമന്ത്രി തോമസ് ഐസക്ക്. 1,100 കോടി സമാഹരിക്കാനാണ് ലക്ഷ്യമെന്നും ധനമന്ത്രി വ്യക്തമാക്കി. വിദേശത്ത് അല്ലാത്തിനാല് റിസര്വ് ബാങ്കിന്റെ മുന്കൂര് അനുമതിയുടെ ആവശ്യമില്ലെന്നും ഗ്രീന് ബോണ്ടായോ ഗ്രീന് വായ്പയായോ പണം സമാഹരിക്കുമെന്നും അദ്ദേഹം പറഞ്ഞു.
അതേസമയം സിഎജി റിപ്പോര്ട്ടുമായി ബന്ധപ്പെട്ട് സ്പീക്കര്ക്ക് അതൃപ്തിയാണെന്ന വാര്ത്ത മാധ്യമസൃഷ്ടിയാണെന്നും തോമസ് ഐസക്ക് പറഞ്ഞു. അവകാശം ലംഘിച്ചിട്ടുണ്ടെങ്കില് ശിക്ഷ ഏറ്റുവാങ്ങാന് തയാറാണെന്നും സ്പീക്കര് എടുക്കുന്ന ഏത് തീരുമാനവും സ്വീകരിക്കുമെന്നും ധനമന്ത്രി പറഞ്ഞു.
