മധ്യപ്രദേശ് : കളിക്കുന്നതിനിടെ കുളത്തിൽ വീണ് 3 കുട്ടികൾ മുങ്ങി മരിച്ചു. എട്ടും നാലും വയസുള്ള പെൺകുട്ടികളും ആറ് വയസുള്ള ഇവരുടെ സഹോദരനുമാണ് മരിച്ചത്. വെള്ളിയാഴ്ച വൈകുന്നേരമാണ് സംഭവം. റെയ്സൻ ജില്ലയിലെ കുൻവാർഖേഡി, സിൽവാനി റോഡിനടുത്തുള്ള കല്ല് ക്വാറിയിലെ കുളത്തിലാണ് കുട്ടികൾ വീണത്. ക്വാറിയുടെ കാവലിനായി നിയോഗിച്ച വാച്ച്മാന്റെ മക്കളാണ് മരിച്ചതെന്ന് പോലീസ് പറഞ്ഞു. കളിക്കുന്നതിനിടെ കുട്ടികൾ കുളത്തിൽ വീണതാവാം എന്നാണ് പോലീസ് നിഗമനം.
