ന്യൂഡല്ഹി : നിലവിലെ ത്രിഭാഷാ നയത്തിന് കീഴില് രണ്ട് വിദേശ ഭാഷകള് തെരഞ്ഞെടുത്ത 7 മുതല് 9 വരെയുള്ള ക്ലാസുകളില് പഠിക്കുന്ന വിദ്യാര്ത്ഥികള്ക്ക് പത്താം ക്ലാസ് വരെ അതേ ഭാഷാ കോമ്പിനേഷനുമായി മുന്നോട്ട് പോകാന് അനുമതി നല്കി സിബിഎസ്ഇ. ലക്ഷക്കണക്കിന് വിദ്യാര്ത്ഥികള്ക്ക് ആശ്വാസമേകിയാണ് സിബിഎസ്ഇയുടെ തീരുമാനം വന്നത്. 2020ലെ ദേശീയ വിദ്യാഭ്യാസ നയം നടപ്പിലാക്കുന്നതിന്റെ ഭാഗമായി ജൂലൈ 1 മുതല് ഒന്പതാം ക്ലാസ് വിദ്യാര്ത്ഥികള് രണ്ട് ഇന്ത്യന് ഭാഷകള് ഉള്പ്പെടെ മൂന്ന് ഭാഷകള് നിര്ബന്ധമായും പഠിക്കണമെന്ന് സിബിഎസ്ഇ പ്രഖ്യാപിച്ചിരുന്നു. നിര്ദേശം വന്ന് ഒരുമാസത്തിലേറെ കഴിഞ്ഞാണ് സിബിഎസ്ഇ ഇതില് വ്യക്തത വരുത്തിയത്. രണ്ട് ഇന്ത്യന് ഭാഷകള് ഉള്പ്പെടെ മൂന്ന് ഭാഷകള് നിര്ബന്ധമായും പഠിക്കണമെന്ന പ്രഖ്യാപനം വിദ്യാര്ഥികള്ക്കും രക്ഷിതാക്കള്ക്കുമിടയില് ആശങ്കയുണ്ടാക്കിയിരുന്നു. ഇതിനെതിരെ പലരും കോടതിയെ സമീപിക്കുകയും ചെയ്തിരുന്നു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
