പത്തനംതിട്ട : ജില്ലയില് ആരോഗ്യരംഗത്ത് മികച്ച പ്രവര്ത്തനം കാഴ്ചവെച്ച കുളനട ഗ്രാമപഞ്ചായത്തിലെ പാണില്, മാന്തുക എന്നീ ജനകീയ ആരോഗ്യ കേന്ദ്രങ്ങള്ക്കും ഇരവിപേരൂര് ഗ്രാമപഞ്ചായത്തിലെ വള്ളംകുളം ജനകീയ ആരോഗ്യ കേന്ദ്രത്തിനും ദേശീയ ഗുണനിലവാര അംഗീകാരം ലഭിച്ചു. സര്വീസ് പ്രൊവിഷന്, പേഷ്യന്റ് റൈറ്റ്സ്, ഇന്പുട്ട്സ്, സപ്പോര്ട്ടീവ് സര്വീസസ്, ക്ലിനിക്കല് സര്വീസസ്, ഇന്ഫെക്ഷന് കണ്ട്രോള്, ക്വാളിറ്റി മാനേജ്മെന്റ്, ഔട്ട്കം എന്നീ വിഭാഗങ്ങളിലായി 70 ശതമാനത്തിന് മുകളില് സ്കോര് ലഭിക്കുന്ന സ്ഥാപനങ്ങള്ക്കാണ് നാഷണല് ക്വാളിറ്റി അഷ്വറന്സ് സ്റ്റാന്ഡേര്ഡ്സ് അംഗീകാരം ലഭിക്കുന്നത്.
വള്ളംകുളം ജനകീയ ആരോഗ്യ കേന്ദ്രം 91.65 ശതമാനം സ്കോറും മാന്തുക ജനകീയ ആരോഗ്യ കേന്ദ്രം 89.77 ശതമാനം സ്കോറും നേടിയാണ് അംഗീകാരം കരസ്ഥമാക്കിയത്. ആരോഗ്യവകുപ്പിന്റെയും ആരോഗ്യകേരളത്തിന്റെയും ആരോഗ്യപ്രവര്ത്തകരുടെയും ഒത്തൊരുമിച്ചുള്ള പ്രവര്ത്തനങ്ങളുടെ ഫലമായിട്ടാണ് ഈ നേട്ടം കൈവരിക്കാനായത്. ആശുപത്രികളുടെ ഗുണനിലവാര മാനദണ്ഡം ഉറപ്പാക്കുന്നതിനായി ജില്ലാ, സംസ്ഥാന, ദേശീയ തലങ്ങളിലുള്ള പ്രത്യേക ഗുണനിലവാര സമിതി നടത്തുന്ന വിദഗ്ധ പരിശോധനകള്ക്ക് ശേഷമാണ് അംഗീകാരം തീരുമാനിച്ചത്.
