എറണാകുളം ചിറ്റൂരിലെ ശ്രീറാം ട്രാന്സ്പ്പോര്ട്ട് ഫിനാന്സ് ലിമിറ്റഡ് കമ്പനിയില് നിന്നും
ഹൈപ്പോത്തിക്കേഷന് എഗ്രീമെന്റ് ലോണ് പ്രകാരം വാങ്ങിച്ച വാഹനം ഫൈനാന്സ് കമ്പനി അറിയാതെ മറ്റൊരാള്ക്ക് മറിച്ച് വിറ്റ മട്ടാഞ്ചേരി ബി.എസ്.എസ് റോഡില് ബംഗ്ലാവ് പറമ്പില് ഹൗസ് നം5/362 ആലിബാബ മകന് വി.എ നൗഫലിനെ എറണാകുളം ചീഫ് ജുഡീഷ്യല് മജിസ്ട്രേറ്റ് മിനി. ആര്, മൂന്ന് വര്ഷ തടവു ശിക്ഷയും 10,000/- രൂപ പിഴയടക്കാനും ശിക്ഷിച്ചു.
2013 ഏപ്രില് 17 നു പോപ്പുലര് മെഗാ മോട്ടേഴ്സില് നിന്ന് ഒരു ‘ Tata Ace’ വാണിജ്യ വാഹനം ഹയര് പര്ച്ചേസ് രീതിയില് വാങ്ങുവാനായി നൗഫല്, ശ്രീറാം ട്രാന്സ്പ്പോര്ട്ട് ഫിനാന്സ് ലിമിറ്റഡ് കമ്പനിയെ സമീപിച്ചു. പ്രതിക്ക് വാഹനം വാങ്ങുന്നതിനായി 2,17,000 /-രൂപ ശ്രീറാം ട്രാന്സ്പ്പോര്ട്ട് ഫിനാന്സ് പോപ്പുലര് മെഗാ മോട്ടേഴ്സിന് നേരിട്ട് നല്കുകയും ചെയ്തിരുന്നു. പ്രതി നൗഫല് വാഹനം സ്വന്തം പേരില് വാങ്ങി മറിച്ചു വില്ക്കുകയായിരുന്നു. എറണാകുളം സെന്ട്രല് പോലീസ് അന്വേഷണം നടത്തിയ കേസില് പ്രോസിക്യൂഷനു വേണ്ടി എറണാകുളം ഡെപ്യൂട്ടി ഡയറക്ടര് ഓഫ് പ്രോസിക്യൂഷന് പ്രേംനാഥ് പി. ഹാജരായി.
