വയനാട്: വയനാട് ചീയമ്പം പ്രദേശത്ത് നാട്ടുകാരെ വിറപ്പിച്ച കടുവ കെണിയിലായി. ചീയമ്പം 73 ആദിവാസി കോളനിയിലും ആനപ്പന്തി, ചെമ്പ്ര തുടങ്ങിയ സ്ഥലങ്ങളിലുമാണ് കടുവ ഇറങ്ങിയത്. 19 ദിവസത്തിനു ശേഷമാണ് കടുവ പിടിയിലായത്. രാവിലെ ഏഴ് മണിയോടെയാണ് കടുവ കെണിയിലായത്.
മൂന്നു മാസത്തോളമായി കടുവ പ്രദേശത്ത് ജനങ്ങളില് ഭീതി ഉളവാക്കിയിരുന്നു. കടുവയ്ക്ക് ഏകദേശം ഒന്പതു വയസ്സ് പ്രായമുണ്ടെന്നാണ് വനംവകുപ്പ് ഉദ്യോഗസ്ഥര് പറയുന്നത്.
19 ദിവസങ്ങള്ക്കു മുന്പാണ് കടുവയെ പിടികൂടാനുള്ള 2 കൂടുകള് സ്ഥാപിച്ചത്. ഇതിനോടകം 15 ലധികം വളര്ത്തുമൃഗങ്ങളെ ഈ കടുവ കൊന്നുതിന്നു. നാട്ടുകാര്ക്കും പ്രദേശത്തുകൂടെ കടന്നുപോകുന്ന യാത്രക്കാര്ക്കും കടുവ ഭീതി ഉണ്ടാക്കിയിരുന്നു. സൗത്ത് വയനാട് ഫോറസ്റ്റ് ചെതലയം റേഞ്ചിലാണ് കടുവ പിടിയിലായത്. മുന്പും ഇതേ മേഖലയില് കടുവയുടെ സാന്നിധ്യമുണ്ടായിരുന്നു.
