കോല്‍ക്കത്ത : കോണ്‍ഗ്രസ് നേതാവ് രാഹുല്‍ ഗാന്ധി തികഞ്ഞ പരാജയമെന്ന് തൃണമൂല്‍ കോണ്‍ഗ്രസ് മുഖപത്രം. നിരവധി അവസരങ്ങളുണ്ടായിട്ടും രാഹുല്‍ പ്രയോജനപ്പെടുത്തിയില്ലെന്നും മോദിക്ക് ബദല്‍ മമത എന്ന പ്രചാരണ പരിപാടി ദേശവ്യാപകമായി തുടങ്ങുമെന്നും ജാഗോ ബംഗ്ള എന്ന മുഖപത്രത്തില്‍ പറയുന്നു.
അതേസമയം, തൃണമൂല്‍ മുഖപത്രത്തെയും മമതയേയും കടുത്ത ഭാഷയില്‍ വിമര്‍ശിച്ച്‌ പശ്ചിമബംഗാള്‍ പി.സി.സി അധ്യക്ഷന്‍ അധീര്‍ രഞ്ജന്‍ ചൗധരി രംഗത്തെത്തി. മമത ബാനര്‍ജിയുടെ ഉന്നം പ്രധാനമന്ത്രി കസേരയാണ്. മമത ബാനര്‍ജിക്ക് അധികാരക്കൊതിയാണെന്ന് അദ്ദേഹം കുറ്റപ്പെടുത്തി.
