ചെന്നൈ : തക്കാളി കിലോയ്ക്ക് രണ്ട് രൂപയായി കുറഞ്ഞതോടെ വിളവെടുത്ത തക്കാളികള് റോഡിലും വയലുകളിലും ഉപേക്ഷിച്ച് തമിഴ്നാട്ടിലെ കര്ഷകര്. മൂന്ന് മാസം മുമ്ബ് വരെ തക്കാളിക്ക് 100 രൂപ മുതല് 150 രൂപ വരെ വിലയുണ്ടായിരുന്നു. അതിനാല് നിരവധി കര്ഷകരാണ് തക്കാളി വന്തോതില് കൃഷി ചെയ്തത്. എന്നാല് വിലയിടിഞ്ഞതോടെ റോഡുകളിലും വയലുകളിലും വിളവെടുത്ത തക്കാളികള് ഉപേക്ഷിക്കുകയായിരുന്നു.
കൂടുതല് നഷ്ടം ഒഴിവാക്കാനാണ് കര്ഷകരുടെ നീക്കം. ഇതിന്റെ ഭാഗമായാണ് തക്കാളി അഴുകാനായി ഉപേക്ഷിച്ചത്. ഇത് അടുത്ത ബാച്ച് വിളകള്ക്ക് വളമായി മാറുന്നതാണെന്ന് കര്ഷകര് പ്രതികരിച്ചു. തമിഴ്നാട്ടിലെ പാലക്കോട്, മാറണ്ടഹള്ളി, അരൂര്, പാപ്പിറെഡ്ഡിപ്പട്ടി എന്നിവിടങ്ങളിലെ കര്ഷകരാണ് തക്കാളി അഴുകാനായി ഉപേക്ഷിച്ചത്. എന്നാല് റോഡരികില് നിക്ഷേപിച്ച തക്കാളികള് കന്നുകാലികളും കുരങ്ങുകളും ആഹാരമാക്കുന്ന സംഭവങ്ങളും ഉണ്ടായിട്ടുണ്ട്.
