പത്തനംതിട്ട : വിവാഹബന്ധം വേര്പെടുത്താന് വിസമ്മതിച്ച മല്ലശേരി സ്വദേശിക്ക് ഭാര്യയുടെ ബന്ധുക്കളുടെ മര്ദനം. വീട്ടില് അതിക്രമിച്ചു കയറിയ ഭാര്യയുടെ അച്ഛനും സഹോദരന്മാരും മകനും ചേര്ന്നാണ് മര്ദനം നടത്തിയത്. തടസം പിടിച്ച മാതാപിതാക്കള്ക്കും മര്ദനമേറ്റു. മല്ലശേരി സ്വദേശി അഭിജിത് റോയിയും ഭാര്യ ആന് സൂസന് ബിജുവും പിണങ്ങിക്കഴിയുകയാണ്.
വിവാഹമോചനത്തിന് ഒരുമിച്ച് കോടതിയില് പെറ്റീഷന് ഫയല് ചെയ്യാനുള്ള ആവശ്യം നിരസിച്ചതിന്റെ വൈരാഗ്യത്തിലാണ് അഭിജിത്തിനെ വീടുകയറി ആക്രമിച്ചതെന്ന് പോലീസ് അറിയിച്ചു. ഭാര്യാപിതാവ് ബിജു ജോര്ജ്, സഹോദരന്മാരായ ബെറ്റി ജോര്ജ്, ബെന്നി ജോര്ജ്, ഭാര്യാസാഹോദരന് ആശിഷ് പി ജോര്ജ് എന്നിവരെയാണ് പത്തനംതിട്ട പോലീസ് അറസ്റ്റ് ചെയ്തത്.
