കോന്നി : കോന്നിയിലെ വഴിയോര കച്ചവടത്തിന് എതിരെ കേരള സംസ്ഥാന വ്യാപാര വ്യവസായ സമിതി രംഗത്ത്. വിഷയത്തിൽ കോന്നി യൂണിറ്റിന്റെ നേതൃത്വത്തിൽ പ്രതിഷേധ സമരം സംഘടിപ്പിച്ചു. പ്രതിഷേധ മാർച്ച് കോന്നി ഓഫീസ് പടിക്കൽ നിന്നും ആരംഭിച്ച് താലൂക്ക് ആശുപത്രി പടി ബസ്റ്റാന്റ് വഴി മുരിങ്ങമംഗലം ജംഗ്ഷനിൽ എത്തിയപ്പോൾ വഴിയോര കച്ചവടക്കാരെ പോലീസ് ഒഴിപ്പിച്ചിരുന്നു. പോകാൻ മടി കാണിച്ചവരെ പോലീസ് ഇടപെട്ടു ഒഴിപ്പിക്കുകയും വീണ്ടും വരരുത് എന്ന് മുന്നറിയിപ്പ് നൽകുകയും ചെയ്തു.
പഞ്ചായത്ത് എടുത്ത തീരുമാനം നടപ്പാക്കുന്നത് വരെ പ്രതിഷേധം തുടരുമെന്നും സമിതി അറിയിച്ചു. ഏരിയ പ്രസിഡന്റ് രാജൻ രാമചന്ദ്രൻ, ഏരിയ സെക്രട്ടറി ഗോപിനാഥൻ നായർ, യൂണിറ്റ് പ്രസിഡന്റ് അജിത്കുമാർ ആർ, യൂണിറ്റ് സെക്രട്ടറി രാജഗോപാൽ റ്റി, വൈസ് പ്രസിഡന്റ് മധുസൂദനൻ നായർ, കമ്മറ്റി അംഗങ്ങൾ, വ്യാപാരി സമിതി അംഗങ്ങൾ തുടങ്ങിയവർ പങ്കെടുത്തു.
