പത്തനംതിട്ട : പൊതുമരാമത്ത് വകുപ്പിന്റെ കീഴിലുള്ള കുഴിക്കാല-കാഞ്ഞിരവേലി പാതയുടെ പുനരുദ്ധാരണത്തിന്റെ ഭാഗമായി കലുങ്കുകളുടെ നിര്മാണം ആരംഭിക്കുന്നതിനാല് ജനുവരി 10 മുതല് 15 ദിവസത്തേക്ക് ഇതിലേയുള്ള ഗതാഗതം താല്ക്കാലികമായി നിരോധിച്ചു. കുഴിക്കാല ഭാഗത്തു നിന്നും കാഞ്ഞിരവേലി, ആറന്മുള ഭാഗത്തേക്ക് പോകേണ്ടവര് പുന്നയ്ക്കാട് പോസ്റ്റ് ഓഫീസ് ജംഗ്ഷനില് എത്തി കാഞ്ഞിരവേലി, ആറന്മുള ഭാഗത്തേക്ക് പോകണം. കാഞ്ഞിരവേലി ഭാഗത്തു നിന്നും കുഴിക്കാല, ഇലവുംതിട്ട ഭാഗത്തേക്ക് പോകേണ്ടവര് പുന്നയ്ക്കാട് പോസ്റ്റ് ഓഫീസ് ജംഗ്ഷനില് എത്തി കുഴിക്കാല, ഇലവുംതിട്ട ഭാഗത്തേക്ക് പോകണമെന്നും പൊതുമരാമത്ത് നിരത്ത് ഉപ വിഭാഗം അസിസ്റ്റന്ഡ് എക്സിക്യുട്ടീവ് എന്ജിനിയര് അറിയിച്ചു.
