ഡല്ഹി : രാജ്യത്തെ റെയില്വേ ഗതാഗതം പൂര്ണമായി സ്തംഭിക്കാന് പോകുന്നു. ജനതാ കര്ഫ്യൂ സമയം കഴിഞ്ഞാലും തീവണ്ടികള് ഒടില്ലെന്ന് സൂചന. ഈ മാസം 25 വരെ ട്രെയിന് ഗതാഗതം നിര്ത്തിവയ്ക്കാനാണ് ചര്ച്ച നടക്കുന്നത്. ഇതുസംബന്ധിച്ച പ്രഖ്യാപനം റെയില്വെ മന്ത്രി ഉടന് നടത്തുമെന്നാണ് ദേശീയ മാധ്യമങ്ങളുടെ റിപ്പോര്ട്ടുകള്.
ജനതാ കര്ഫ്യൂ ദിനത്തിന്റെ ഭാഗമായി ഞായറാഴ്ച 3000 ത്തോളം സര്വീസുകളാണ് റെയില്വെ നിര്ത്തിവച്ചിരിക്കുന്നത്. റോഡ്, വ്യോമ ഗതാഗതവും നിര്ത്തിവച്ചിരിക്കുകയാണ്. എല്ലാവരും 14 മണിക്കൂര് പുറത്തിറങ്ങാതെ ജാഗ്രത പാലിക്കണമെന്നാണ് പ്രധാനമന്ത്രി നരേന്ദ്ര മോദിയുടെ അഭ്യര്ഥന. രാജ്യം മൊത്തമായി ഇതിന് പിന്തുണ പ്രഖ്യാപിച്ചിരിക്കെയാണ് റെയില്വെ കടുത്ത തീരുമാനം എടുക്കുന്നുവെന്ന വിവരം പുറത്തുവന്നിരിക്കുന്നത്.
എല്ലാ യാത്രാ തീവണ്ടികളും ഈ മാസം 25 വരെ റദ്ദാക്കുമെന്നാണ് വിവരം. ജനതാ കര്ഫ്യൂ ദിനമായ ഇന്ന് 400 തീവണ്ടികള് മാത്രമാണ് ഓടുന്നത്. ഇവ ലക്ഷ്യസ്ഥാനമെത്തിയാല് സര്വീസ് അവസാനിപ്പിക്കുമെന്ന് ദേശീയ മാധ്യമങ്ങള് റിപ്പോര്ട്ട് ചെയ്തു. തീവണ്ടി യാത്ര വഴി കൊറോണ രോഗം പടരാനുള്ള സാധ്യത ഇല്ലാതാക്കുകയാണ് ലക്ഷ്യം.
