ചെന്നൈ: തമിഴ്നാട് തിരുവള്ളൂരിൽ ചരക്ക് ട്രെയിനിന് തീ പിടിച്ചുണ്ടായ അപകടത്തെത്തുടർന്ന് ട്രെയിൻ ഗതാഗതത്തിൽ നിയന്ത്രണം. ജൂലായ് 13 ഞായറാഴ്ച ചെന്നൈയിൽ നിന്ന് പുറപ്പെടുന്ന എട്ട് ട്രെയിനുകൾ പൂർണമായും റദ്ദാക്കി. കേരളത്തിൽനിന്ന് ഉൾപ്പെടെയുള്ള ചില ട്രെയിനുകൾ ഭാഗികമായും റദ്ദാക്കിയിട്ടുണ്ട്. ഈ ട്രെയിനുകൾ ചെന്നൈ സെൻട്രലിന് മുൻപ് യാത്ര അവസാനിപ്പിക്കുമെന്നും ചില ട്രെയിനുകൾ വഴിതിരിച്ചുവിട്ടതായും ദക്ഷിണ റെയിൽവേ അറിയിച്ചു.
ഞായറാഴ്ച(ജൂലായ് 13) പൂര്ണമായും റദ്ദാക്കിയ ട്രെയിനുകള്:
- 20607 ചെന്നൈ സെന്ട്രല്- മൈസൂരു വന്ദേഭാരത്
- 12007 ചെന്നൈ സെന്ട്രല്-മൈസൂരു ശതാബ്ദി എക്സ്പ്രസ്
- 12675 ചെന്നൈ സെന്ട്രല്-കോയമ്പത്തൂര് കോവൈ സൂപ്പര്ഫാസ്റ്റ്
- 12243 ചെന്നൈ സെന്ട്രല്- കോയമ്പത്തൂര് ശതാബ്ദി എക്സ്പ്രസ്
- 16057 ചെന്നൈ സെന്ട്രല്- തിരുപ്പതി സപ്തഗിരി എക്സ്പ്രസ്
- 22625 ചെന്നൈ സെന്ട്രല്- കെഎസ്ആര് ബെംഗളൂരു ഡബിള് ഡെക്കര് എക്സ്പ്രസ്
- 12639 ചെന്നൈ സെന്ട്രല്- കെഎസ്ആര് ബെംഗളൂരു ബൃന്ദാവന് സൂപ്പര്ഫാസ്റ്റ്
- 16003 ചെന്നൈ സെന്ട്രല്- നാഗര്സോള് എക്സ്പ്രസ്
ഭാഗികമായി റദ്ദാക്കിയ ട്രെയിനുകള്
- ശനിയാഴ്ച മംഗളൂരുവില്നിന്ന് പുറപ്പെട്ട 12602 മംഗളൂരു സെന്ട്രല്- ചെന്നൈ സെന്ട്രല് എക്സ്പ്രസ് കോടാമ്പത്തൂരില് യാത്ര അവസാനിപ്പിക്കും
- ശനിയാഴ്ച മേട്ടുപ്പാളയത്തുനിന്ന് പുറപ്പെട്ട മേട്ടുപ്പാളയം- ചെന്നൈ സെന്ട്രല് നീലഗിരി സൂപ്പര്ഫാസ്റ്റ്, അശോകപുരത്തുനിന്ന് പുറപ്പെട്ട 16022 അശോകപുരം- ചെന്നൈ സെന്ട്രല് കാവേരി എക്സ്പ്രസ് തിരുവിലങ്ങാട് യാത്ര അവസാനിപ്പിക്കും.
- ശനിയാഴ്ച തിരുവനന്തപുരത്തുനിന്ന് പുറപ്പെട്ട തിരുവനന്തപുരം- ചെന്നൈ സെന്ട്രല് സൂപ്പര്ഫാസ്റ്റ് മെയില്, 12674 കോയമ്പത്തൂര്- ചെന്നൈ സെന്ട്രല് ചേരന് സൂപ്പര്ഫാസ്റ്റ് എന്നീ ട്രെയിനുകള് ആരക്കോണത്ത് യാത്ര അവസാനിപ്പിക്കും.
- ശനിയാഴ്ച മംഗളൂരുവില്നിന്ന് പുറപ്പെട്ട 12686 മംഗളൂരു സെന്ട്രല്- ചെന്നൈ സെന്ട്രല് എക്സ്പ്രസ് മുകുന്ദരായപുരത്ത് യാത്ര അവസാനിപ്പിക്കും.
- ശനിയാഴ്ച തിരുവനന്തപുരത്ത് നിന്ന് പുറപ്പെട്ട 12696 തിരുവനന്തപുരം സെന്ട്രല്- ചെന്നൈ സെന്ട്രല് സൂപ്പര്ഫാസ്റ്റ് കാട്പാഡിയില് യാത്ര അവസാനിപ്പിക്കും.
വഴിതിരിച്ചുവിട്ട പ്രധാന ട്രെയിനുകള്
- ശനിയാഴ്ച തിരുവനന്തപുരത്തുനിന്ന് പുറപ്പെട്ട 22641 തിരുവനന്തപുരം- ഷാലിമാര് എക്സ്പ്രസ് റെനിഗുണ്ട, ഗുഡൂര് വഴി തിരിച്ചുവിട്ടു. തിരുത്താണിയില് അധിക സ്റ്റോപ്പും അനുവദിച്ചു.
- ശനിയാഴ്ച ടാറ്റാ നഗറില്നിന്ന് പുറപ്പെട്ട 18189 ടാറ്റാനഗര്-എറണാകുളം എക്സ്പ്രസ് ഗുഡുര്, റെനിഗുണ്ട, മേല്പ്പാക്കം വഴി തിരിച്ചുവിട്ടു.
