കോഴിക്കോട്: ആലപ്പുഴ- കണ്ണൂര് എക്സിക്യൂട്ടിവ് എക്സ്പ്രസില് തീവച്ചതുമായി ബന്ധപ്പെട്ട് പുറത്ത് വന്ന പ്രതിയുടേതെന്ന് സംശയിക്കുന്ന സിസിടിവി ദൃശ്യം പ്രതിയുടേത് അല്ലെന്ന് പോലീസ് പറഞ്ഞു. ദൃശ്യത്തിലുള്ളത് വിദ്യാര്ത്ഥിയായ കപ്പാട് സ്വദേശ് ഫആയിസ് മന്സൂറാണ്. യുവാവ് ട്രെയിനില് തന്നെ ഉണ്ടായിരുന്ന വ്യക്തിയാണെന്നും, ട്രെയിനില് നിന്ന് സുഹൃത്തിനെ വിളിച്ചുവരുത്തി വിദ്യാര്ത്ഥി പോവുകയുമായിരുന്നുവെന്ന് വിദ്യാര്ത്ഥി പോലീസിനോട് പറഞ്ഞു. അതേസമയം, സംഭവം ശാസ്ത്രീയ തെളിവുകളുടെ അടിസ്ഥാനത്തില് അന്വേഷിക്കുകയാണെന്ന് പോലീസ് മേധാവി അനില് കാന്ത് പറഞ്ഞു.
ഇന്നലെ രാത്രി 9 മണിയോടെയാണ് ആലപ്പുഴ-കണ്ണൂര് എക്സിക്യൂട്ടിവ് എക്സ്പ്രസില് അജ്ഞാതന് തീവച്ചത്. സംഭവത്തില് ഒന്പത് പേര്ക്കാണ് പരുക്കേറ്റത്. ഇതില് രണ്ട് പേരുടെ നില ഗുരുതരമാണെന്ന് പോലീസ് അറിയിച്ചു. ഗുരുതരമായി പൊള്ളലേറ്റ പ്രിന്സ് എന്നയാളെ ബേബി മെമ്മോറിയല് ആശുപത്രിയില് പ്രവേശിപ്പിച്ചിരിക്കുകയാണ്. പരുക്കേറ്റ മറ്റുള്ളവര് കോഴിക്കോട് മെഡിക്കല് കോളജിലാണ്. മട്ടന്നൂര് സ്വദേശി റഹ്മത്ത്, സഹോദരീ പുത്രി ചാലിയം സ്വദേശി ശുഹൈബ് സഖാഫിയുടെ മകള് രണ്ട് വയസുകാരി സഹറ, മട്ടന്നൂര് സ്വദേശി നൗഫിക് നൗഫിക്ക് എന്നിവരാണ് മരിച്ചത്.
