കോഴിക്കോട്: ട്രെയിന് തീവെപ്പ് കേസ് പ്രതി ഷാരൂഖ് സെയ്ഫിയെ റിമാന്ഡ് ചെയ്തു. ഈ മാസം 20 വരെയാണ് റിമാന്ഡ് കാലാവധി. കോഴിക്കോട് മെഡിക്കല് കോളജ് ആശുപത്രിയിലെ പോലീസ് സെല്ലിലെത്തി മജിസ്ട്രേറ്റ് പ്രതിയെ കണ്ടു. ഷാരൂഖ് സെയ്ഫിയെ ഹാജരാക്കാന് കഴിയാത്ത സാഹചര്യത്തിലാണ് മജിസ്ട്രേറ്റ് ആശുപത്രിയിലെത്തിയത്. ഇയാളുടെ ആരോഗ്യ നില തൃപ്തികരമാണെന്ന് ഡോക്ടര്മാര് അറിയിച്ചു. ഇതിനെ തുടര്ന്ന് മെഡിക്കല് ബോര്ഡ് യോഗം ചേര്ന്ന് ഷാറൂക്കിനെ ആശുപത്രിയില് നിന്ന് ഡിസ്ചാര്ജ് ചെയ്യാന് തീരുമാനിച്ചു. പ്രതിയെ ഉടന് ജയിലിലേക്ക് മാറ്റും.
കഴിഞ്ഞ ഞായറാഴ്ച രാത്രി 9.30 ഓടെയായിരുന്നു ആലപ്പുഴ-കണ്ണൂര് എക്സിക്യൂട്ടീവില് അക്രമി പെട്രോളൊഴിച്ച് യാത്രക്കാരെ തീ കൊളുത്തിയത്. ട്രെയിന് എലത്തൂര് പിന്നിട്ടപ്പോഴായിരുന്നു സംഭവം. ഡി 1 കമ്പാര്ട്ടുമെന്റിലാണ് അക്രമണം നടന്നത്. തീ പടരുന്ന് കണ്ട് ട്രാക്കിലേക്ക് എടുത്തു ചാടിയെന്ന് കരുതുന്ന മൂന്നു പേരുടെ മൃതദേഹം പിന്നീട് കണ്ടെത്തിയിരുന്നു. കണ്ണൂര് മട്ടന്നൂര് സ്വദേശി റഹ്മത്ത്,സഹോദരിയുടെ മകള് രണ്ടരവയസുകാരി സഹ്റ, കണ്ണൂര് സ്വദേശി നൗഫിക്ക് എന്നിവരാണ് മരിച്ചത്. മൂന്ന് ദിവസത്തെ അന്വേഷണത്തിന് ശേഷം മഹാരാഷ്ട്രയിലെ രത്നഗിരിയില് നിന്നാണ് ഷാരൂഖ് സെയ്ഫിയെ മഹാരാഷ്ട്ര എ.ടി.എസ് സംഘം പിടികൂടിയത്.
