കോഴിക്കോട്: സംസാരിക്കാന് കഴിയാത്തവര് പോലീസ് സ്റ്റേഷനിലെത്തുമ്പോള് നേരിടുന്ന ബുദ്ധിമുട്ടിന് പരിഹാരം കാണുകയാണ് കോഴിക്കോട് സിറ്റി പോലീസ്.
അവരുടെ കാര്യങ്ങള് അവരുടെ തന്നെ ഭാഷയില് മനസ്സിലാക്കാനുള്ള ശ്രമം. അതിനായി സിറ്റിയിലെ എല്ലാ സ്റ്റേഷനുകളിലെയും പോലീസുകാര്ക്ക് പരിശീലനം നല്കുകയാണ്. സംസ്ഥാനത്ത് ആദ്യമായാണ് പോലീസുകാര്ക്ക് ആംഗ്യഭാഷാ പരിശീലനം നല്കുന്നത്.
കോംപോസിറ്റ് റീജിയണല് സെന്റുമായി ചേര്ന്നാണ് പദ്ധതി. ഭിന്നശേഷിക്കാര്ക്ക് പദ്ധതി ഏറെ പ്രയോജനപ്പെടുമെന്ന് ഈ മേഖലയില് പ്രവര്ത്തിക്കുന്നവര് പറയുന്നു. ആദ്യഘട്ടത്തില് കുറച്ച് പോലീസുകാര്ക്കാണ് പരിശീലനം നല്കുന്നത്. വരും ദിവസങ്ങളില് മുഴുവന് പോലീസുകാര്ക്കും ആംഗ്യഭാഷയില് പരിശീലനം നല്കും. ഓണ്ലൈന് ക്ലാസ്സുകളും ഒരുക്കും.
