കൊച്ചി: അമിതമായ അളവില് ഉറക്കഗുളിക കഴിച്ച സജ്നയെ കൊച്ചിയിലെ സ്വകാര്യ ആശുപത്രിയില് പ്രവേശിപ്പിച്ചു . സജ്നയിപ്പോള് ഐ സി യു വില് നിരീക്ഷണത്തില് കഴിയുകയാണ്. ആരോഗ്യ സ്ഥിതി ഗുരുതരാവസ്ഥയിലല്ലെന്ന് ആശുപത്രി അധികൃതര് വ്യക്തമാക്കി. കൊച്ചിയില് ബിരിയാണി വില്പ്പനക്കിടെ ആക്രമണം ഉണ്ടായി എന്ന ഇവരുടെ പരാതി വലിയ വാര്ത്തയായിരുന്നു.
എന്നാല് ഇതൊക്കെ തട്ടിപ്പായിരുന്നു എന്ന് മറ്റൊരു ട്രാന്സ് വുമണ് ആരോപണം ഉന്നയിച്ചത് സാമൂഹിക മാധ്യമങ്ങളില് എത്തിയിരുന്നു. സജ്നയുടെ ശബ്ദ സന്ദേശവും ഇവര് പുറത്തുവിട്ടിരുന്നു. ചിലര് ഇവരെ ആക്ഷേപിച്ച് സമൂഹ മാധ്യമങ്ങളില് പോസ്റ്റ് ഇട്ടിരുന്നു. തുടര്ന്നാണ് സജ്ന ആത്മഹത്യക്ക് ശ്രമിച്ചത്. ഇന്ന് പുലര്ച്ചെ മൂന്ന് മണിയോടെയാണ് സജ്നയെ ആശുപത്രിയില് പ്രവേശിപ്പിക്കുന്നത്.