പത്തനംതിട്ട : സ്കൂട്ടര് യാത്രികയെ ഇടിച്ചശേഷം കാര് നിര്ത്താതെ പോയ സംഭവത്തില് എസ്.ഐ.യ്ക്ക് സ്ഥലംമാറ്റം. പുളിക്കീഴ് പോലീസ് സ്റ്റേഷനിലെ എസ്.ഐ. സാജന് പീറ്ററിനെയാണ് പത്തനംതിട്ട പോലീസ് സ്റ്റേഷനിലേക്ക് സ്ഥലംമാറ്റിയത്. തിരുവല്ല ഡിവൈ.എസ്.പി. അന്വേഷണം നടത്തി റിപ്പോര്ട്ട് സമര്പ്പിച്ചതിന് പിന്നാലെയാണ് നടപടി. സംഭവത്തില് തുടര്നടപടികള്ക്കായി റിപ്പോര്ട്ട് എ.ഡി.ജി.പി.യ്ക്കും കൈമാറിയിട്ടുണ്ട്.
ശനിയാഴ്ച വൈകിട്ട് നിരണം ഡെക്ക്ഫാമിന് സമീപത്താണ് സംഭവം. എസ്.ഐ. ഓടിച്ച കാര് സ്കൂട്ടര് യാത്രികയെ ഇടിക്കുകയായിരുന്നു. സഹപ്രവര്ത്തകന്റെ വിരമിക്കല് പാര്ട്ടിയില് പങ്കെടുത്ത് സുഹൃത്തിന്റെ വീട്ടിലേക്ക് പോകുന്നതിനിടെയാണ് എസ്.ഐ. ഓടിച്ച കാര് അപകടമുണ്ടാക്കിയത്. സംഭവസമയത്ത് എസ്.ഐ. മദ്യലഹരിയിലായിരുന്നുവെന്നും ആക്ഷേപമുണ്ട്. അപകടത്തിന് ശേഷം കാര് നിര്ത്താതെ പോയ എസ്.ഐ.യെ പിന്നീട് പെണ്സുഹൃത്തിന്റെ വീട്ടില്നിന്നാണ് നാട്ടുകാര് പിടികൂടിയത്. കാറിനെ പിന്തുടര്ന്നെത്തിയ നാട്ടുകാര് പെണ്സുഹൃത്തിന്റെ വീട്ടില്നിന്ന് എസ്.ഐ.യെ കൈയോടെ പിടികൂടി പുളിക്കീഴ് പോലീസിന് കൈമാറുകയായിരുന്നു.
