പന്തളം : കാല് നടയാത്രക്കാര് മാറി നടക്കട്ടെ, ട്രാന്സ്ഫോര്മര് നടപ്പാതയില് തന്നെ നില നിര്ത്തും എന്ന വാശിയിലാണ് പന്തളത്തെ കെ.എസ്.ഇ.ബി ഉദ്യോഗസ്ഥര്. പന്തളത്ത് ഏറ്റവും കൂടുതല് അപകടങ്ങള് നടക്കുന്ന സി.എം ഹോസ്പിറ്റല് ജംഗ്ഷനില് ആണ് നടപ്പാതയില് കെ.എസ്.ഇ.ബി ട്രാന്സ്ഫോര്മര് സ്ഥാപിച്ചിരിക്കുന്നത്. ഇതിനു ചുറ്റും സുരക്ഷാ വേലിയും വേലിയുടെ അടുത്ത് അനധികൃതമായി പാര്ക്ക് ചെയ്ത വാഹനത്തില് കച്ചവടവും ഒക്കെ ആയപ്പോള് കാല്നട യാത്രക്കാര് വഴി മാറി നടക്കേണ്ട സ്ഥിതിയായി.
പന്തളത്ത് ഈ ഭാഗത്ത് മാത്രം നിരവധി വാഹനാപകടങ്ങള് നടന്നിട്ടുണ്ട്. സി.എം ഹോസ്പിറ്റലില് എത്തുന്ന രോഗികളും വിദ്യാര്ഥികളും ഉള്പ്പെടെ സഞ്ചരിക്കുന്ന വഴിയിലാണ് ട്രാന്സ്ഫോര്മര് സ്ഥാപിച്ചിരിക്കുന്നത്. വിഷയത്തില് കെ.എസ്.റ്റി.പി അധികൃതരും ഇടപെടുന്നില്ല. സുരക്ഷാ വേലി ഉണ്ടെങ്കിലും ഇത്തരത്തില് സ്ഥാപിച്ചിരിക്കുന്ന ട്രാന്സ്ഫോര്മറില് നിന്നും ജനങ്ങള്ക്ക് ഷോക്കേല്ക്കുവാനുള്ള സാധ്യതയും കൂടുതലാണ്.
