കൊച്ചി : ഗതാഗത വകുപ്പില് മുമ്പ് പബ്ലിക് ഇന്ഫര്മേഷന് ഓഫിസറും അണ്ടര് സെക്രട്ടറിയുമായിരുന്ന മേഴ്സി ഗബ്രിയേലിനെ വിവരാവകാശ നിയമപ്രകാരം ശിക്ഷിക്കാനും ശിക്ഷയായി 11,750 രൂപ പിഴ ഈടാക്കാനും സംസ്ഥാന വിവരാവകാശ കമീഷണര് ഡോ.കെ.എല് വിവേകാനന്ദന് ഉത്തരവിട്ടു. ആലുവ കെ.എസ്.ആര്.ടി.സി ബസ് സ്റ്റാന്ഡ് നിര്മാണവുമായി ബന്ധപ്പെട്ട വിവരാവകാശ അപേക്ഷയില് 30 ദിവസത്തിനകം മറുപടി തരാതിരുന്നതും പിന്നീട് തെറ്റിദ്ധരിപ്പിക്കുന്ന മറുപടി നല്കിയതിനും ഇവര്ക്കെതിരെ വിവരാവകാശ പ്രവര്ത്തകനായ ഖാലിദ് മുണ്ടപ്പിള്ളി സംസ്ഥാന വിവരാവകാശ കമീഷന് പരാതി നല്കിയിരുന്നു. ഇതിെന്റ അടിസ്ഥാനത്തിലാണ് നടപടി.
ഉത്തരവ് കിട്ടി 30 ദിവസത്തിനകം പരാമര്ശിത കാലയളവില് പിഴസംഖ്യ ട്രഷറിയില് ഒടുക്കാനും വിവരം ചെലാെന്റ അസ്സല് സഹിതം കമീഷന് സെക്രട്ടറിയെ അറിയിക്കാനും നിര്ദേശമുണ്ട്. അല്ലാത്തപക്ഷം തുക ഇവരുടെ ശമ്പളത്തില്നിന്ന് പിടിച്ച് സമയബന്ധിതമായി അടക്കുന്ന കാര്യം ഓഫിസ് മേധാവി ഉറപ്പുവരുത്തേണ്ടതും കമീഷന് മുമ്പാകെ റിപ്പോര്ട്ട് ചെയ്യേണ്ടതുമാണ്.
