പത്തനംതിട്ട : ജില്ലാ ട്രഷറി കേന്ദ്രീകരിച്ച് നടന്നിട്ടുള്ള നിക്ഷേപതുക തട്ടിപ്പുകേസിലെ പ്രതികളെ ഉടൻ അറസ്റ്റ് ചെയ്യണമെന്ന് ബി.എം.എസ് ജില്ലാ പ്രസിഡന്റ് എംകെ അരവിന്ദൻ ആവശ്യപ്പെട്ടു. സർക്കാരിന്റെ സ്വന്തം ധനകാര്യ സ്ഥാപനമായ ട്രഷറിയുടെ വിശ്വാസ്യത തകർത്തിരിക്കുന്ന കുറ്റവാളികളെ ഭരണാനുകൂല സംഘടനകൾ സംരക്ഷിക്കുകയാണെന്നും പുറത്തറിയാതെ ഒളിപ്പിച്ചു വെച്ചിരുന്ന ഈ ഗുരുതരമായ സാമ്പത്തിക തട്ടിപ്പ് പൊതുജനങ്ങൾക്ക് മുന്നിലെത്തിച്ച മാധ്യമ നടപടികൾ പ്രശംസനീയമാണെന്നും അദ്ദേഹം പറഞ്ഞു.
ബി.എം.എസ് മേഖലാ കമ്മിറ്റിയുടെ ആഭിമുഖ്യത്തിൽ ഇന്ന് പത്തനംതിട്ട ഗാന്ധി സ്ക്വയറിൽ നടന്ന പ്രതിഷേധ ധർണ്ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മേഖലാ പ്രസിഡന്റ് പി എസ് അനിൽകുമാർ അധ്യക്ഷത വഹിച്ചു. മേഖലാ സെക്രട്ടറി വി രാജൻ പിള്ള, മുനിസിപ്പൽ കമ്മിറ്റി സെക്രട്ടറി പി.രഞ്ജിത്ത്, ട്രഷറർ റ്റി ആർ ഗോപീകൃഷ്ണൻ എന്നിവർ പ്രസംഗിച്ചു.
