കൊച്ചി : തൃക്കാക്കര ഉപതെരഞ്ഞെടുപ്പിനുള്ള പോളിങ് സാമഗ്രികളുടെ വിതരണം ആരംഭിച്ചു. എറണാകുളം മഹാരാജാസ് കോളജിലാണ് ഇവയുടെ വിതരണം. വോട്ടിങ് മെഷിനുകള് സൂക്ഷിച്ചിരുന്ന കോളജിലെ സ്ട്രോംഗ് റൂം വരണാധികാരി വിധു എ മേനോന്റെ നേതൃത്വത്തില് തുറന്നു. ഇന്നലെ കലാശക്കൊട്ടോടെ തൃക്കാക്കരയില് പരസ്യ പ്രചാരണം സമാപിച്ചിരിക്കുകയാണ്. പാലാരിവട്ടത്ത് നടന്ന കൊട്ടിക്കലാശത്തില് മൂന്ന് മുന്നണികളിലെയും നൂറുകണക്കിന് പ്രവര്ത്തകരാണ് അണിചേര്ന്നത്. തോക്കുധാരികളായ ബി.എസ്.എഫ് ജവാന്മാരെയും നഗരത്തില് വിന്യസിച്ചിരുന്നു. ഇന്ന് നിശ്ശബ്ദ പ്രചാരണമാണ്. നിശ്ശബ്ദ പ്രചാരണത്തിന് മണ്ഡലത്തിലെ പ്രമുഖര് തന്നെ നേതൃത്വം നല്കും. നാളെ വോട്ടെടുപ്പും നടക്കും.
