തിരുവനന്തപുരം : ഡോ.ജോ ജോസഫ് തൃക്കാക്കരയ്ക്ക് ഏറ്റവും അനുയോജ്യനായ സ്ഥാനാര്‍ഥിയാണെന്ന് മന്ത്രി മുഹമ്മദ് റിയാസ്. ജോ ജോസഫിലൂടെ എല്‍ഡിഎഫ് 100 തികയ്ക്കുമെന്നും സ്ഥാനാര്‍ഥിയെ കുറിച്ച്‌ മറ്റൊന്നും പറയാന്‍ കഴിയാത്തത് കൊണ്ടാണ് സഭയുടെ സ്ഥാനാര്‍ഥിയെന്ന വിമര്‍ശനവുമായി യുഡിഎഫ് രംഗത്തിറങ്ങിയിരി ക്കുന്നെതെന്നും മുഹമ്മദ് റിയാസ് പറഞ്ഞു.
‘നിലവില്‍, എല്‍ഡിഎഫിന് 99 എംഎല്‍എമാരാണ് ഉള്ളത്. ഇത് സെഞ്ചുറിയാകും. എണ്ണയിട്ട യന്ത്രം പോലെയാണ് എല്‍ഡിഎഫിന്റെ പ്രവര്‍ത്തനം. അത് മണ്ഡലത്തില്‍ ഊര്‍ജിതമായി നടക്കുന്നുണ്ട്. പ്രവര്‍ത്തനം തുടരും’- മന്ത്രി കൂട്ടിച്ചേര്‍ത്തു. അതേസമയം, തൃക്കാക്കര മണ്ഡലത്തിലെ ഇടത് സ്ഥാനാര്‍ത്ഥി നിര്‍ണ്ണയത്തില്‍ നിലപാട് പരസ്യമാക്കി എറണാകുളം അങ്കമാലി അതിരൂപത.ഡോ.ജോ ജോസഫിനെ പിന്തുണയ്ക്കില്ലെന്നും ജോ ജോസഫിനായി സഭയുടെ ഏതെങ്കിലും തലത്തില്‍ ചര്‍ച്ച ഉണ്ടായോ എന്നറിയില്ലെന്നും എറണാകുളം അങ്കമാലി അതിരൂപത സംരക്ഷണ സമിതി വ്യക്തമാക്കി.
