കുവൈത്ത്‌ സിറ്റി : കൊറോണ വൈറസ്‌ ബാധയെ തുടർന്ന് ചികിത്സയിലായിരുന്ന മലയാളി കുവൈത്തിൽ മരണമടഞ്ഞു. തൃശൂർ പട്ടിപറമ്പ്‌ സ്വദേശി വടക്കേതിൽ വീട്ടിൽ രാജൻ സുബ്രമണ്യൻ ( 54) ആണ് മരണമടഞ്ഞത്‌. കൊറോണ രോഗബാധയെത്തുടര്‍ന്ന് ഫര്‍വാനിയ ആശുപത്രിയില്‍ ചികിത്സയിലായിരുന്നു. രോഗം ഗുരുതരമായതിനെത്തുടര്‍ന്ന് ഇദ്ദേഹത്തെ ജാബിർ ആശുപത്രിയിലേക്ക് മാറ്റിയിരുന്നു. ഇവിടെ വെച്ചാണു അന്ത്യം സംഭവിച്ചത്‌. ബദർ അൽ മുല്ല കമ്പിനിയിൽ ജീവനക്കാരനാണ്. സംസ്കൃതി കുവൈത്തിന്റെ നിർവ്വാഹക സമിതി അംഗമായിരുന്നു. ഭാര്യ സീന. അയ്യപ്പദാസ്, വിഷ്ണു എന്നിവർ മക്കളാണ്. മൃതദേഹം കോവിഡ് മാനദണ്ഡങ്ങളനുസരിച്ച് കുവൈറ്റില്‍ സംസ്കരിക്കും.
