അരുവിക്കര : സ്പോക്കണ് ഇംഗ്ലീഷ് പഠിക്കാനെത്തിയ വിദ്യാര്ഥിനിയെ പീഡിപ്പിക്കാന് ശ്രമിച്ച കേസില് ട്യൂഷന് സെന്റര് ഉടമ അറസ്റ്റില്. അരുവിക്കരയ്ക്കു സമീപം കല്കുഴി സ്വദേശി മോഹന് സ്വരൂപി(58)നെയാണ് അരുവിക്കര പോലീസ് അറസ്റ്റ് ചെയ്തത്. അരുവിക്കര, മുണ്ടേല, കുളക്കോട് എന്നിവിടങ്ങളില് ‘ബ്രയിന്സ്’ അക്കാദമി എന്ന പേരില് സ്പോക്കണ് ഇംഗ്ലീഷ് ട്യൂഷന് സെന്റര് നടത്തുന്നയാളാണ് മോഹന് സ്വരൂപ്.
പഠിക്കാന് വരുന്ന വിദ്യാര്ഥിനികളെ ശാരീരികമായി പീഡിപ്പിക്കുകയും ലൈംഗികച്ചുവയുള്ള പദങ്ങള് വിദ്യാര്ഥിനികളോടു പ്രയോഗിച്ച് പ്രലോഭിപ്പിക്കുകയും മൊബൈല് ഫോണില് പെണ്കുട്ടികളുടെ ഫോട്ടോ എടുക്കുകയും ചെയ്യുന്നതാണ് ഇയാളുടെ രീതിയെന്ന് പോലീസ് പറഞ്ഞു.
