റസിഡന്‍ഷ്യന്‍ ഹോസ്റ്റലിലേയ്ക്ക് ടിവി സമ്മാനമായി നൽകി യുവദമ്പതികള്‍

റാന്നി: സമഗ്ര ശിക്ഷ കേരള പത്തനംതിട്ട പെരുനാട്ടിൽ നടത്തുന്ന റസിഡൻഷ്യൽ ഹോസ്റ്റലിൽ താമസിക്കുന്ന സാമ്പത്തികമായും സാമൂഹികമായും പിന്നാക്കം നിൽക്കുന്ന കുട്ടികൾക്ക് സമ്മാനവുമായി നവദമ്പതികൾ എത്തി. ഹോസ്റ്റലിൽ കുട്ടികൾക്ക് ടിവിയും കേബിൾ കണക്ഷനും ഇല്ല എന്ന് അറിഞ്ഞതിനെ തുടർന്നാണ് അർജുൻ- വൃന്ദ ദമ്പതികൾ സഹായവുമായെത്തിയത്.പെരുനാട് പഞ്ചായത്ത് പ്രസിഡണ്ട് പി എസ് മോഹനന്റെ മകനാണ് അർജുൻ. റാന്നി ബ്ലോക്ക് പ്രോജക്ട് കോഡിനേറ്റർ ഷാജി എ സലാം, ഹോസ്റ്റൽ ഗവേണിങ് കമ്മിറ്റി ചെയർപേഴ്സണും വാർഡ് മെമ്പറുമായ രാജം ടീച്ചർ വാർഡ് മെമ്പർ ബിബിൻ മോൻ എന്നിവർ ചേർന്ന് ടിവിയും അനുബന്ധ ഉപകരണങ്ങളും ഏറ്റുവാങ്ങി.