പത്തനംതിട്ട : ബിജെപിയുടെ ഒരംഗത്തിന്റെ വോട്ടു നേടി തിരുവല്ല നഗരസഭയുടെ അധികാരം നേടനുള്ള യുഡിഎഫ് ശ്രമം ഹീനവും ആപത്കരവുമാണന്ന് എസ്ഡിപിഐ ജില്ലാ പ്രസിഡന്റ് എസ്.മുഹമ്മദ് അനീഷ് പറഞ്ഞു. ഇരു മുന്നണികളെയും വിശ്വസിക്കാൻ കൊള്ളാത്തതു കൊണ്ടാണ് വോട്ടെടുപ്പിൽ നിന്ന് എസ്ഡിപിഐ വിട്ടുനിന്നത്. തരാതരം പോലെ അധികാരത്തിനായി ബിജെപിയെ കൂട്ടുപിടിക്കുന്നവരാണ് ഇടതുപക്ഷവും വലതുപക്ഷവും.
റാന്നി അങ്ങാടി പഞ്ചായത്തിൽ ബിജെപി പിന്തുണയോടെ ഭരിച്ചത് ഇടതു മുന്നണിയാണ്. നിലവിൽ തിരുവല്ല നഗരസഭയടക്കം ജില്ലയിൽ പല പഞ്ചായത്തിലും യുഡിഎഫ്-ബിജെപി പരസ്യ ബന്ധവത്തിലാണ്. ഇത് മതേതരത്തിന് ഭീഷണിയാണ്. ജനാധിപത്യ സമൂഹം ഈ കാപട്യം തിരിച്ചറിയണമെന്നും അദ്ദേഹം പറഞ്ഞു.