ജയ്പൂര് : രാജസ്ഥാനില് ഇരട്ടകളായ നവജാതശിശുക്കളെ പൊതു ശൗചാലയത്തില് ഉപേക്ഷിച്ച നിലയില് കണ്ടെത്തി. ഇരു കുട്ടികള്ക്കും തൂക്കക്കുറവുണ്ട്. ദേശീയപാത എട്ടില് രാജ്സമന്ദില് ബുധനാഴ്ചയാണ് സംഭവം. പൊതു ശൗചാലയത്തില് ഇരട്ടകളായ പെണ്കുഞ്ഞുങ്ങളെ ഉപേക്ഷിച്ച നിലയില് കണ്ടെത്തുകയായിരുന്നു. ഒരു കുട്ടിക്ക് ഒരു കിലോയാണ് തൂക്കം. രണ്ടാമത്തെ നവജാതശിശുവിന് 800 ഗ്രാം മാത്രമേ ഭാരമുള്ളുവെന്ന് ഡോക്ടര്മാര് പറയുന്നു.
ബുധനാഴ്ച രാവിലെ പൊതുശൗചാലയം വൃത്തിയാക്കാന് ശുചീകരണ തൊഴിലാളി എത്തിയപ്പോഴാണ് കുട്ടികളെ കണ്ടെത്തിയത്. കുട്ടികളുടെ കരച്ചില് കേട്ട് നോക്കിയപ്പോഴാണ് ഇരട്ടക്കുട്ടികളെ കണ്ടത്. പുതപ്പ് കൊണ്ട് മൂടിയ നിലയിലായിരുന്നു കുഞ്ഞുങ്ങള്. ഗുരുതരാവസ്ഥയിലായ കുഞ്ഞുങ്ങളെ ആശുപത്രിയില് പ്രവേശിപ്പിച്ചു.
