തിരുവനന്തപുരം : അഞ്ച് സംസ്ഥാനങ്ങളിലെ നിയമസഭാ തെരഞ്ഞെടുപ്പില് കോണ്ഗ്രസിനേറ്റ തിരിച്ചടിയില് മുഖ്യമന്ത്രി പിണറായി വിജയന് ഉന്നയിച്ച പരിഹാസത്തില് മറുപടിയുമായി വി ടി ബല്റാം. ഞങ്ങള്ക്കിന്ന് ദുര്ദിനം തന്നെയാണെന്നും കോണ്ഗ്രസിന്റെ തോല്വിയില് സന്തോഷിക്കുന്നവര് സന്തോഷിച്ചോ എന്നാണ് വിടിയുടെ പ്രതികരണം.”ശരിയാണ് സെര്, ഞങ്ങള്ക്കൊക്കെ ഇന്ന് ദുര്ദ്ദിനം തന്നെയാണ്. ഞങ്ങള്ക്കതിന്റെ ദുഃഖവുമുണ്ട്. ഇന്നത്തെ ദിവസം സന്തോഷം തോന്നുന്നവര് സന്തോഷിച്ചാട്ടെ ആഘോഷിക്കാന് തോന്നുന്നവര് ആഘോഷിച്ചാട്ടെ,” വിടി ബല്റാം ഫേസ്ബുക്കില് കുറിച്ചു.
നിയമസഭാ തെരഞ്ഞെടുപ്പില് കോണ്ഗ്രസ് വന് തിരിച്ചടി നേരിടുന്നതിനിടെയാണ് മുതിര്ന്ന കോണ്ഗ്രസ് നേതാവ് രമേശ് ചെന്നിത്തലയ്ക്ക് മുഖ്യമന്ത്രി പിണറായി വിജയന്റെ പരിഹാസം. വലിയ അഴീക്കല് പാലത്തിന്റെ ഉദ്ഘാടനത്തിനിടെയാണ് സംഭവം. പാലം ജനങ്ങള്ക്ക് തുറന്നുകൊടുക്കുന്ന ഈ ദിനം തന്റെ ജീവിതത്തിലെ ഏറ്റവും സന്തോഷമുള്ള ദിനമാണെന്ന് മുന് പ്രതിപക്ഷ നേതാവ് സ്വാഗത പ്രസംഗത്തില് പറഞ്ഞു. ഊഴമായപ്പോള് മുഖ്യമന്ത്രി ചെന്നിത്തലയെ വേദിയിലിരുത്തിക്കൊണ്ട് തന്നെ പരിഹാസ ശരം തൊടുത്തു. ‘നിങ്ങള്ക്കിന്ന് ദുര്ദിനമാണല്ലോ’ എന്നാണ് തെരഞ്ഞെടുപ്പിലെ തിരിച്ചടി പരോക്ഷമായി പരാമര്ശിച്ചുകൊണ്ട് മുഖ്യമന്ത്രി പറഞ്ഞത്.
