ന്യൂഡല്ഹി: ഭാരതത്തെയും കേന്ദ്ര സര്ക്കാരിനെയും ലോകരാജ്യങ്ങളുടെ മുന്നില് ടൂള് കിറ്റിലൂടെ അപമാനിക്കാന് ശ്രമിച്ച സംഭവത്തില് ഇന്ത്യയിലെ ട്വിറ്റര് ഓഫീസുകളില് റെയിഡ്. ദല്ഹിയിലെ കോര്പ്പറേറ്റ് ഓഫീസിലടക്കമാണ് റെയിഡ് നടക്കുന്നത്. ദല്ഹി പോലീസിന്റെ സ്പെഷ്യല് സംഘമാണ് തിരച്ചിലിന് നേതൃത്വം നല്കുന്നത്. കര്ഷക സമരത്തിന്റെ പേരില് അനധികൃത ഇടപാടുകള് നടത്തിയെന്ന് പ്രാഥമിക അന്വേഷണത്തില് തെളിഞ്ഞതോടെയാണ് റെയിഡ് നടത്തിയത്. ലാഡോ സരായ്, ദില്ലി, ഗുരുഗ്രാം എന്നിവിടങ്ങളിലെ ഓഫീസുകളിലാണ് റെയിഡ് നടക്കുന്നത്.
കര്ഷക സമരത്തിന്റെയും കോവിഡിന്റെ പേരില് നിരവധി വ്യാജപ്രചരണങ്ങള് ട്വിറ്ററിലൂടെ നടന്നിരുന്നു. ഇതു തടയണമെന്ന് കേന്ദ്രം സര്ക്കാര് ട്വിറ്റനോട് നിര്ദേശിച്ചു. എന്നാല് കാലതാമസം വരുത്തിയാണ് ട്വിറ്റര് നടപടിയെടുത്ത്. ട്വിറ്ററില് നിന്ന് വിശദീകരണം തേടിയ ശേഷമാണ് പരിശോധന നടപടികളിലേക്ക് കടന്നത്. വിവിധ രേഖകള് പിടിച്ചെടുത്തിട്ടുണ്ട്. പരിശോധന ഇപ്പോഴും തുടര്ന്നുകൊണ്ടിരിക്കുകയാണ്.
