മാവേലിക്കര : വാക്കുതര്ക്കത്തിനിടയില് സുഹൃത്തിനെ ചുറ്റികവെച്ചടിച്ച് പരിക്കേല്പ്പിച്ച സംഭവത്തില് രണ്ടു പേര് അറസ്റ്റില്. 16 ന് രാത്രി 10.30 ഓടെ ചെന്നിത്തല ചെറുകോല് കുറ്റിയാറ കിഴക്കെതില് വീട്ടില് ജിജോ ജോര്ജിനെ മര്ദ്ദിച്ചു ഗുരുതര പരിക്കേല്പിച്ച സംഭവത്തിലാണ് ഇരുവരും അറസ്റ്റിലായത്.
ചെങ്ങന്നൂര് ചെറിയനാട് ചെറുവല്ലൂര് തൊണ്ടലില് തെക്കെതില് വീട്ടില് അഷറഫ് (31) മാവേലിക്കര വെട്ടിയാര് അരനൂറ്റിമംഗലം മാധവം വീട്ടില് കൊപ്പാറ ബിജു എന്ന ബിജു (40), എന്നിവരെയാണ് മാന്നാര് പോലീസ് അറസ്റ്റ് ചെയ്തത്. ഇന്സ്പെക്ടര് എസ്.എച്ച്.ഒ. ജി.സുരേഷ് കുമാറിന്റെ നേതൃത്വത്തില് എസ്.ഐ സുനുമോന്, സി.പി.ഒ മാരായ സിദ്ദിഖുല് അക്ബര്, വിഷ്ണുപ്രസാദ്, അരുണ് എന്നിവര് ചേര്ന്നാണ് പ്രതികളെ അറസ്റ്റ് ചെയ്തത്. കോടതിയില് ഹാജരാക്കിയ പ്രതികളെ ആലപ്പുഴ ജില്ലാ ജയിലിലേക്ക് റിമാന്ഡ് ചെയ്തു.
