കോഴിക്കോട്: കോഴിക്കോട് മുണ്ടിക്കല് താഴത്ത് കടം കൊടുത്ത പണത്തെ ചൊല്ലി തര്ക്കം. രണ്ട് പേര്ക്ക് കുത്തേറ്റു. പണം ചോദിക്കാനെത്തിയ സന്ദീപ്, ശബരി എന്നിവര്ക്കാണ് പരിക്കേറ്റത്. ഇവര് കോഴിക്കോട് മെഡിക്കല് കോളേജ് ആശുപത്രിയില് ചികിത്സ തേടി. സന്ദീപിന് മുഖത്തും ശബരിക്ക് കൈക്കുമാണ് പരിക്കേറ്റത്. ചെലവൂര് സ്വദേശി രാജു എന്നയാള് തിരുവന്തപുരം സ്വദേശിയും ചെലവൂരില് വാടകക്ക് താമസിക്കുകയും ചെയ്യുന്ന രാജന് പണം കടം കൊടുത്തിരുന്നു. ഈ പണം ചോദിക്കാന് രാജു സന്ദീപിനേയും ശബരിയേയും ഏല്പ്പിച്ചു. ഇവര് രാജനില് നിന്ന് പണം ചോദിക്കാന് എത്തിയപ്പോഴാണ് രാജന് കത്തി വീശി അക്രമിച്ചതെന്നാണ് പോലീസ് പറയുന്നത്. പരിക്കേറ്റെന്ന് പരാതിപ്പെട്ട രാജനും മെഡിക്കല് കോളേജ് ആശുപത്രിയില് ചികിത്സ തേടി. രാജന് മെഡിക്കല് കോളേജ് പൊലീസിന്റെ നിരീക്ഷണത്തിലാണ്. സംഭവത്തില് രാത്രിയോടെ കേസ്സെടുക്കുമെന്ന് പോലീസ് അറിയിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
