തിരുവനന്തപുരം : നെയ്യാറ്റിൻകരയിൽ ബൈക്കും കാറും കൂട്ടിയിടിച്ച് രണ്ട് യുവാക്കൾ മരിച്ചു. ഇന്ന് പുലർച്ചെയാണ് അപകടം ഉണ്ടായത്. നെയ്യാറ്റിൻകര-കളിയാക്കാവള ദേശീയപാതയിലാണ് ബൈക്കും കാറും കൂട്ടിയിടിച്ച് അപകടമുണ്ടായത്. പ്രശാന്ത് (28), ഷെറിജിൻ (28) എന്നിവരാണ് ഈ അപകടത്തിൽ മരണപ്പെട്ടത്. ഇരുവരും കുട്ടിക്കാലം മുതൽക്കേയുള്ള അടുത്ത സുഹൃത്തുക്കളായിരുന്നു. തിരുവനന്തപുരം ഭാഗത്തുനിന്ന് നെയ്യാറ്റിൻകരയിലേക്ക് പോവുകയായിരുന്നു ഇവർ സഞ്ചരിച്ചിരുന്ന ബൈക്ക് എതിർദിശയിൽ വന്ന കാറുമായി ബൈക്ക് കൂട്ടിയിടിക്കുകയായിരുന്നു.
അപകടസമയത്ത് പ്രദേശത്ത് ചെറിയ മഴയുണ്ടായിരുന്നുവെന്നും, മഴയിൽ ബൈക്ക് തെന്നിമാറിയതാകാം അപകടകാരണമെന്നുമാണ് നിഗമനം. അപകടം നടന്നയുടൻ തന്നെ ഇരുവരെയും തിരുവനന്തപുരം മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടത്തിന്റെ സിസിടിവി ദൃശ്യങ്ങളിൽ ബൈക്ക് ഇടിച്ചു മറിയുന്നതും രണ്ടുപേരും തെറിച്ചു വീഴുന്നതും വ്യക്തമാണ്.
